1. Миний компьютер гацаад байна. Н*** гэж вирустчихжээ.
Хэзээнээс ийм цуу яриа гарсныг мэдэхгүй ч нилээн эртнийх. Энэ цуу ярианаас бас нэг балай дүгнэлт гарсан. Компьютер форматлахад бүх вирус устдаг учраас компьютер гацаад эхэлвэл, форматлачихаар зүгээр болно. Хмм
Таны компьютерын хүчин чадал, ашиглаж буй програм, тоглоомын шаардагдах үзүүлэлт, genuine-ий асуудал, үйлдлийн системийн бит гээд олон энгийн зүйлээс гацаж болно. Гэхдээ форматлах үед илүү дутуу, хэрэггүй програм, файлууд устдаг учраас хурд нь бага ч гэсэн ихэсдэг. Энэ нь цуу яриаг улам даамжруулдаг.
2. Бүх вирус хортой учраас устгах ёстой.
Зарим компьютер тоглоом тоглодог, интернэтээс програм татаж ашигладаг хүмүүс мэдэх байх. Лицензгүй л бол мэддэг хэд нь заавал crack, patch, keygen ашигладаг. Үүгээрээ лицензээ сунгадаг гэсэн үг. Харин вирусын програмууд заримыг нь вирус гэж илрүүлээд л устгачихдаг. Яс юман дээр бол тэд нар чинь бидэнд амин чухал хэрэгтэй эд. Хамгийн наад захын жишээ гэхэд GENUINE REMOVER-үүдийг дурьдаж болно.
3. Вирусыг хакерууд болон вирус зохиогч нар л зохиодог.
Дээр үед л тэгдэг байсан юм байгаа биз. Одоо үед тэрийг чинь бэлэн юм ашиглаад хүүхдүүд хийчихээд байна.
4. Бүх Антивирус бүтээгч компаниуд өөрсдөө вирус хийж тараадаг.
За тэр нь ч бас хаашаа юм. Наад зах нь л үнэгүй, ашгийн бус антивирус програмууд бүтээгчид өөрсдөө вирус хийнэ гэдэг тэнэг асуудал. Тэдэнд ямар ч ашиггүй. Дээрээс нь цуу яриаг үгүйсгэн ярилцлага өгч байсан хэд хэдэн томоохон антивирус бүтээгч компани байсны дотор AVAST, BITDEFENDER, MICROSOFT SECURITY ESSENTIALS багтана.
5. Би вирусын эсрэг програмтай. Тэгэхээр надад вирус халдахгүй.
а. Эхлээд вирусын эсрэг програм гарсан уу гэвэл үгүй. Эхлээд өт үүссэн. Дараагаас нь л үүнтэй тэмцэж эхэлсэн. Одоо ч гэсэн яг хэвээр. Яагаад? Антивирус бүтээгч багийнхан дунд зөнч байдаггүй л юм бол ямар өт бүтээгдэхийг мэдэхгүй. Ямар өтийг нь мэдэхгүй байж түүнтэй яаж тэмцэх билээ. Тиймээс антивирус үргэлж нэг алхам хоцорч байдаг.
б. Антивирусын шинэчлэлт буюу UPDATE-ыг үргэлж хийж бай. Энэ шинэчлэлтээр л шинээр гарсан вирусыг эсэргүүцэж чадна.
в. Өөрөө анхааралтай, болгоомжтой бай. Өөрөө мэдлэгэтэй, туршлагатай, болгоомжтой бол таны компьютер өтнө гэж үү? Мэдээж үгүй. Би ч бас антивирус хэрэглээгүй удаж байна.
6. Өт зургаар дамждаг.
Уучлаарай. Энэ боломжгүй. Хэрэв ямар нэг зургийн өргөтгөлтэй файл байвал тэр нь вирус байж болох ч зураг хэлбэрээрээ нээгдэж байвал биш гэсэн үг. Заавал нээлгүйгээр шалгах арга байна. Зүгээр л icon-ыг томоор харуулдаг болго. Зураг тодорч харагдаж байвал зурган файл гэсэн үг. Саяхан FACEBOOK CHAT-аар дамжаад яваад байсан нэг вирус .jpg өргөтгөлтэй байсан. Хүмүүс мэдэхгүй нээгээд л байсан. Зүгээр л нэрнийх нь ард .jpg гээд залгачихсан хэрэг.
7. Олон вирусын програм суулгавал вирус илүү багасна.
Бас л дээр үед байсан зүйл. Нөгөө хоёр вирусын програм чинь хоорондоо таарахгүй зэрэг зэрэг ажиллаад, аль нэгэнд нь өөрчлөлт оруулахад л систем гэмтэж мэдэхээр болно. Учир нь антивирус програм, үйлдлийн системтэй холбогдож ажиллах нь бий. Тэгээд тэр хоёр вирусын програм нэг хэсэгт холбогддог бол тэгээд будаа. Хэзээ ч битгий хоёр вирусын програм ашигла. Ядаж л ачаалал буурч, гацах нь багасна.
Бичсэн: Ж.Зоригт
Сэтгэгдэл бичихСэтгэгдэл:
Зочин хэзээ бичсэн:
2014-11-28 17:43 | |
Зочин хэзээ бичсэн:
2014-05-25 21:33 | |
Зочин хэзээ бичсэн:
2014-04-28 10:48 | |
Qwerty хэзээ бичсэн:
2014-04-16 19:52 | |
Ж.Зоригт (зочин) хэзээ бичсэн:
2013-11-30 15:17 | |
Харин тэр 2-р дээр бол бас үнэхээр ихэнх crack, keygen ер нь өт хорхой тээж явдаг. Зүгээр нэг хийгээд буян үйлдэх гэж тараадаг хүн бараг л байхгүй. Тэгж тараасан байсан ч дундаас нь нэг хакер нөхөр нь вирүс зүүгээд л тараачихдаг. Ядаж л крак, кийгенүүдээ хүртэл бас өөрийнх нь сайтаас татах болж өгвөл анхнаасаа үнэ төлбөргүй, вирүсгүй програм хангамж хэрэглэж сурахгүй л бол бас болохгүй л байгаа юм даа.
Алмас хэзээ бичсэн:
2013-11-25 14:15 | |
