Блог гэж юу вэ? :|: Дусал блог

Блог гэж юу вэ?

2006-04-02 07:44 Алмас

Асуулт:

Блог гэж ер нь юу юм бэ?

Хариулт:

Ер нь веб хийж чадахгүй хүмүүст өөрийн гэсэн веб хуудсаа хийх боломж олгож байгаа гэсэн үг юм. Та өөрийн хуудасны дезайныг хүссэнээрээ сонгож болно. Манай санд буй сонголт хэрвээ таалагдахгүй бол өөрөө янзласан ч болно. Сервер рүү файл хуулна, веб хуудас хийх, компьютерийн мэдлэг гэх мэт зүйл шаардагдахгүй. Эрхээ нээлгээд л шууд хуудсан дээрээ гаргах зүйлээ зураг бичигтэй нь бичээд тавихад л манай систем таний хувийн веб сайтыг хийнэ гэсэн үг. Ямар нэгэн програмын болон, дезайны мэдлэг шаардагдахгүй энгийн вебтэй болно. Ер нь бол Blog буюу Web log нь анх веб тэмдэглэл хөтлөх зорилготой гарч ирсэн бол одоо түүнийг ашигласан сүлжээ, хамтран бичдэг хүмүүсийн бүхэл бүтэн сайт хэлбэрт хүртэл шилждэг байна. Жишээ нь сонирхол нэгтэй хүмүүс хамтран нэг блогийг бичнэ. Хүн бүр энд тэндээс шинэ мэдлэг, мэдээлэл, өөрийн хийсэн зүйлийг бусаддаа танилцуулж веб дээрээ бичлэг хийнэ. Блогоор сайхан найзуудаа ч олж авдаг.

За манай сайтын давуу тал нь юу вэ?

1. Та төрөлх хэлээрээ уншаад бүх зүйлийг хийнэ. Нэг бүрчлэн тайлбарласан учир чадахгүй зүйл гарахгүй байх. Чадахгүй зүйл гарвал асууж болно.

2. Монгол ө ү зэрэг үсгийн ямар нэгэн алдаа гарахын зовлонгүй.

3. Trackback системтэй.

4. Хэрэглэгчид хоорондоо найзлах, Хувийн зурвас дамжуулах, найзуудынхаа блогийг танилцуулах зэрэг олон байдлаар харилцах боломжтой.

5. Нэг хүн 10 хүртэл блог нээн нэг хэрэглэгчийн эрхээрээ хэрэглэх боломжтой.

6. Хэрэглэгчийн амархан зургийн цомог үүсгэх боломжтой.

7. Хамтран нэг блог бичих боломжтой.

8. Хэрэглэгчид дотроос найзыгаа хайж болно.

9. Блогууд категороор ангилагдсан. Та өөрийн хүссэн категори руу орж үзэх боломжтой. Мөн өөрийн блог дотрох бичлэгүүдээ ч өөрөө категори үүсгэн ангилж болно.

10. Хувийн тэмдэглээ веб хэлбэрээр хөтлөх бол бусдад уншуулмаар, эсвэл уншуулмааргүй, зөвхөн найзууддаа л уншуулмаар бичлэгүүдээ бичлэг бүрт ялган тохируулах боломжтой. Тэгвэл зөвхөн өөрөө үзэхээр тохируулсан бичлэг бол бусад хүмүүс үзэж чадахгүй юм.