WinRAR ашиглан хамгийн амархан суулгагч бэлдэх арга :|: Дусал блог

WinRAR ашиглан хамгийн амархан суулгагч бэлдэх арга

Дусал мэдлэг ба Анхан шат

2006-07-09 08:42 Алмас

Winrar програмыг ашиглан жижиг хэмжээний суулгагч бэлдэх боломжтой юм.

Бэлдэх нь:

Архив фаил шинээр үүсгэх юм уу суулгагч болгох архив фаилаа сонгоно.
Баруун товчоо дараад “Add Files to archives“ дарна.
Нээгдсэн цонхонд “Create SFX Archive”гэсэн чагтыг бөглөнө.
Тэгээд тэр цонхны Advanced хөндлөн цэс рүү ороод SFX Options товчийг дарна.
Ингэхэд суулгагчийн нарийн тохиргоо хийх шинэ цонх нээгдэнэ.

Суулгагч тохируулах:

General : Энд хааш нь задлахаа тохируулна. Мөн суулгагч задлаж дууссаны дараа, эсвэл өмнө нь ямар нэгэн фаил ажиллуулах тохиргоо хийж болно.
Advanced: Энд дараах нэмэлт тохиргоонуудыг хийж болно.
- Хуулахын өмнө задлах хавтсанд хуучин байгаа фаилуудыг устгаж болно..
- Дэлгэц болон start цэс, Start цэсний/ Programs эсвэл компьютер асах бүрт асахаар startup дотор холбоос үүсгэж болно. Энд зохих утгуудыг нь зааж тохируулж өгөх хэрэгтэй.
Modes: Энд өөрийн хүссэн горимыг тохируулж өгч болно.
- Түр хадгалах хавтас руу задлах тохиргоо (Temporary mode)
- Чимээгүй горим нь ямар нэгэн зүйл асуулгүй шууд суулгах тохиргоо (Silent mode)
- Дарж хуулах тохиргоо. Асуух, бүх фаилыг дарж хуулах, эсвэл фаил урьд нь байвал алгасах гэсэн сонголтуудаас сонгоно.
Text and Icon : Цонхондоо нэр өгөх болон бичиг бичгэн мэдээлэл харуулахыг энэ хэсэгт тохируулна. Мөн ico фаил ашиглан суулгацын жижиг дүрсийг (icon) өөрийн хүссэнээр солих бол энд оруулж өгнө. Бас суулгацын толгойн зургийг ч мөн өөрийн хүссэн зургаар сольж оруулах боломжтой.
License: Энэ хэсэгт та суулгацынхаа талаарх лиценз, зөвшилцлийг тохируулж өгч болно.